وحشتني أيام الطفولة...وحشتني أجمل ذكريات وايام،
وحشتني ببراءتها وشقاوتها...وحشني روح أملنا فيها،وأحساسنا بأن كل شيئ تمام،
حيويتنا ونشاطنا..وروح الحب الكبيرة اللي جوه قلوبنا،وكل شيئ في الكون ربطتنا بيه غنوة وسلام،
أصحاب ولمة ممكن يكون جمعنا فيها كيس شبسي أوحتى باكو لبان،
ورقة وقلم وعلبة الألوان خططنا بيها أحلامنا ،وزيادة في تأكيد رغبتنا فيها قُمنا رسمناها عالبيبان،
صحيح انضربنا عليها علقة سخنة قبل نومنا،لكن ده كان أكبر همومنا،
أو يوم ما زعقولنا على كثرة شغب،أو سوء أدب مع اولاد الجيران،
لكن حتى الهم ده وقتها مامنعش عيونا من النوم مستنية بكرة، وهي حاضنة بين جفونها ألف حلم وألف فكرة ،ما يكفيهمش ألف مليون كتاب، ولا حتى لو رسمناهم على كل حيطانك يا بلد وعلى كل شباك وباب.
-----------------
دي شخبطة قلمي بس المره دي على صفحة المدونة،مش على الحيطان والبيبان :-)
Falling hearts Here
سبحان الله فعلا ,
أنا فاكر إن الواحد زمان - مش زمان قوي كمان :) - كان بينضرب كل علقة و التانية , لكن سبحان الله , كانت علقة تفوت و لا حد يموت ,
مسافة ما أنام و أصحى و لا أكن حاجة , لا زعلان و لا مهموم و لا حاجة ,
الطفولة دي فعلا مرحلة لا تعوَّض ,
و كما يقول الشاعر :
اضحك يا طفل غداً تبكي .....
شوفي أحلى من أيام الطفولة
ما كان في حياتنا شي اسمه هم
و اذا تضايقنا من شي
كان عندنا قدرة عجيبة على التأقلم و النسيان
ياليتنا نتعلم من طفولتنا
و نعيش حياتنا مثل الأطفال
وردة فرح
مافي احلى من ايام الطفولة ، وطالما هي راحت ، ياريت نظل محتفظين بروح الطفولة اللي مابتروح .. اسعدني مروري بمدونتك ،،
ودمتي بكل حب وطفولة.